Cukini iz Kic Bila

Naš stric Zvonkec i strina Mica, da gojt dojdo z Kic Bila (to vam je v Avstriji), navek so prinas bor tjeden, dvo. Mi jih navek lepo pogostimo, pečemo odojke, pajceke, čuče se kuhajo v juhi, teletino (jer striča ima slab želodec) i normalno čudej koloči. Veli janpot nam strina Mica
– znom da vam je dalko ali bi janpot mogli dojti k nam kaj vidli kaj se vu Avstriji je. Vam na žal.
I tak smo mi, kaj na njim žal, dišli loni (kaj nate mislili da ve kod hodimo) vut Kic Bil.
Prvi den smo jeli tikvo zdinjstano bez mesa, štero oni zovejo cukini makar niti duhu po cukijo nema. No, nej bo. So ne ftegli šnicline speči. Bo zutra.
Zutra smo jeli pok tikve ali pohane. I juho od tikvi.
Navečer veli mej srčeko
– idemo po skriveč kupiti krmenadline!
– a de jih boš spekel? Na asvalto??
Tak smo mi tjeden dni jeli tikve i kalampera na jezero nočini.
– je, deca droga, to ste kaj jeste – veli nam strina dok smo komaj janpot pitali za kolbose.
– je bormeš je tak (veli srčeko). Kuljko sam tikvi pojel bormeš niti jan međimorski pajcek ne pogotne vu mesec dni! Vrog dol i te cukinije. Naš cuki v koco je cuki a ovo vaše je hrona za cukije.
Dok smo došli dimo i gotili se z šniclinema, veli srčeko mojčiki
– da pok dedo, ak opče dedo, najvekšo tikvo jim sprajite za obed. Nikvo meso! Cukini!!! Vrog vas dol i cukini i Kic Bil.

Suzana Martinuš

[give_form id=”6365″ show_title=”true” show_goal=”false” show_content=”none” display_style=”reveal” continue_button_title=”Donirajte djecu”]