Krampampola
Sam nekak šmrkljiva🤧 pak sam se zmislila kak je to bilo janpot pred šterih dvajsti let.
Posljušajte dobro.
Srčeko i jo smo zbetežali. Nos zaštopani, joči sozne, noge nas komaj držijo, brešemo, kišemo a glova kaj škaf.
-Dej ti njim skuhaj ono svoje vročstvo (japica se zmisli)
-Kaj? Kakvo vročstvo? (Mi smo se mom splašili, em si znote kaj za mojčiku se velijo. No, znote ono o coprijami i metlami.😈)
-Aaa jee! Viš to si se dobro zmislil. Ve bom jo vam krampampulo skuhala! (Razveseli se mojčika)
-Jezoš i Marija, to se grdo i čuje. Ke vam je to jarac to krampampola? Jo bi rojši šteroga andola i čajeka kamiličnoga. Se ne morate močiti koli toga vročstva. Evo…več mi je skoro pak ništ niti ne! (Cvilil je srčeko)
Ali, nega s mojčikom trt-mrt. Dok si rekel coprija, več je skuhala vročstvo i de do mene
-Ti boš prva! Zapri nosa i na eks! Kaj naš po tomu kaj kujsek cmukala. Je to ne rehov liker. Potegni onak pošteno, muški. Si razmela!?
Kaj da vam rečem. Nesam niti njoj ništ vupala reči. Vdropim jo to krampampolo nadušok a se kaj je potlji bilo so mi sprepovedali.
Znači, oči so mi vun skočile, šmrklji zleteli, škromopljima sam dropala po zidu i sam sam srčeku sprocvilila – vidimo se na drugom sveto. 🤯💀
Velijo da je srčeko omedlel pak so mo sam nalejali njegovo krampampolo a on se itak ničega ne zmisli. Bogec, tri dni je ne znal niti što je niti de je.
Tak smo mi preživeli vročstvo i od onda znomo zakaj jo zovejo krampampola. Ak preživiš dobro je a ak ne…kramp te čoka.
Tak, zoto sam ve tiho kaj riba. Mojčika me čudno gledi i več me pitala
-Kaj tje? SI morti betežana jer so ti joči nekaj glažnote. Očeš kaj ti skuham…
-Ne! Ne! Za ništ na sveto! Nikaj mje ne! Nikaj! Nikaj!
-O Božek drogi kaj si se raskokodokala kaj čuča dok znese jojca. Em sam sam štela fino govedsko juhico skuhati.
(Je, je juhico…znomo mi si dobro kakva bi to juhica bila 🤢 ).
Ve vas se lepo pozdrovljam. Što zno ali nam do navečer pok po zido plozila. Ak me ga na, onda se znote! 🙄🤔
Suzana Martinuš
*********************************INTERMEZZO**********************************
