Komaj čokamo druge izbore!

Naš japica vam strašno rad ima izbore. Se jano da li so za one (kak on veli) ništkoristi vu Saboro ili mortik za precednike pak makar i one lokalne. Te zodnje najmenje ima rad jer veli da te sam ločejo.

Zodnji pot dok je zeznal da bojo po vulicaj nosili čitabe, znote one kaj vas nagovorjajo za koga bote, lepo si je pred leso dovlekel dvo štokrlina, stoleka, dalekozora i storoga zvonca z beciklina. Sam pomali, vam se povem zakaj sje to se preprajil.
Tak je on zasel pre potni lesi i z dalekozorom ljukal al što ide. I prvi bokček je naletel.

– Bok dej japica!
– i tej dečec i tej. Hoj se malo sej z menom.
– je vam nemam čas, moram te se letke raznositi!
– nej hormastoče speljovati! Lepo se sej i boš mi se potenko povedal. Sam čokaj kaj pozvonim oni svoji kaj nam donese gemišteke.
Zacvekenče japica a mojčika črez oblok zaviče
– ki vrog! Kaj cvekenčeš?
– lepo prosim liter i vodo za dečeca i mene. I nej bo voda zdena a ne kaj ščava!
– tak mali (veli japica dečko),ve mi poveč čiji si ti.
– jo sam Horvatov..
– hoj vrit! Sam te ne pital što tje japa neg ščije si stranke. I lepo mi poveč kaj vi mej nudite.
– jeee, em vam jo sam letke nosim. Nikaj vam jo pravzaprav neznam.
– no viš, ti vero i tej! Zoto nam je i je tak vu državi kaj nišče nikaj nezna. Glavno da si se ti zasel tu kaj gospon i išče bi i gemišta pil.
– deda, pak jo sam samo…
– kaj si ti samo! Daj delal saki svoj posel što zna de bi nam bil kraj ali neee! Kaj bi! Sam bi se špancerali vo našemo stroško i Bogo dneve krali.

Zacvekenče on pok z zvoncom i viče mojčiki
– mom hoj vun i zaračunaj mo kaj je spil i pojel!
– ali jo sam ne ništ jel!
– nesi si niti zasljužil!
Tak je te bokček hudo prešel a nesmo niti zeznali čiji je. Ali itak se jeno jer je japica sakoga isto natepel z štere gojt stranke bil a išče je i zasljužil 50 kuni na gemištima.
Se mi se čini da bi japica bil dober vu politiki.
Komaj čokamo druge izbore!

Suzana Martinuš

*********************************INTERMEZZO**********************************