Mali taljonski vragi
Soseda Đurđa de sako jutro k nam na kovo i jen “krotki lek”. Ve ga je jan čos ne bilo jer je išla vo Italijo na nekvi izlet kajtiga jo znom kam. Denes ona svečano doproši vjutro z nekvim ropcom na glovi kaj da je talibon.
– mom mi dejte duplišnjega leka natočite!
– ki vrog (pita mojčika) kaj si kaj betežna?
– je, znote da so stori ljudi kaj mala deca. Se grehote poberejo, dal prehlado, kozice, šarlaha…tak sam i jo ve zišla.
– ne vera kaj si koze dovlekla z Italije (veli japica)
– pak ve, kozice nesam. Nego… znote…ono… no pak znote! One male vroge!
Srčeko jo pogleda – pak ne vera da ono… tam doli?
– aje! Ne tam doli nego tu gori! No , vuši sam negdi k vrogo pobrola! (Pove soseda i vdropi još jano žganico)
Mi smo najenpot poskokali kaj jeleni na senokoši. Jan prek drugoga smo bežali z kuhnje.
Mojčika je prek vrot lepo kulturno povedala sosedi
– ti mulja jana! Kam si vrogo to smradovlje dovlekla dimo a ve još i k nam! I to da so bor domoče vuši ali kaj bi! Ti si taljone dovlekla. Najenpot idi dimo i nej sim hoditi dok se ne rešiš i njih i njive dece i od dece dece!
Dok je soseda dišla, mojčika nas je postrojila i se nas zaprošila z pantaganom. I gori i doli. Kaj bo sigurno. I kujseka. Japica je rekel da nam bo se mozek skuril kuljko nas je naprošila ali je mojčika rekla nej se ne sekeramo da nam se nema kaj skuriti. I kuhnjo je celo sposolila s pantaganom pak smo ve samo na suhi hroni. Tak, ve ak nam losi ne zgorido i ak nam se mozek ne osmodi, morti se čujemo drugi tjeden.
Ak preživimo ove taljone.
Suzana Martinuš
*********************************INTERMEZZO**********************************
