Of naš dečec ima EREKSIJO!
Si znote da je naša mojčika svetska žena. Pak je ona tri pot bila v Nađkaniži i jenpot vu Zolakorošu. Tak da se ona sljuži z stronjskim rečima kaj ima biti a bormeš je i melo kaj biti.
Vam povem.
Sobota, negdi koli obeda, doleti mojčika vu dnevno sobo tak kaj je skorom vrota z štoka zula.
– to je bormeš prestrašno! Of naš dečec ima EREKSIJO!
– več mo je bilo i vreme (reče japica)
Srčeko prebledi, požoti i počrleni kaj vuzmeno jejce a meni se noge odrežejo i da nesam sedela bi bormeš vdropila na pod.
– kaaaaaj? I ti si to vidla?(Zacvilimo obedva)
– je, ve pitate kaj a on celi den hoda tak po kuhnji i sam zdehovlje. Kajpak da sam vidla.
Išče mo probam i pomoči ali kajbi! Kaj gojt da mo dom njemo se sam zdiže gori.
Srčeko je počel piskati kaj naš racok Adolf a jo sam vdropila jano žganico kaj dem ksej.
– mojčika, pak si ti bnorela? (Zacvilim jo nekak)
– aha! Bi se jo mortik z ereksijom zafrkovala? Dobro jo znom kaj i kak to ide. Sam gledala na doktoro Ozo. Em bogec takov i v školo hodi! Očete kaj se tam zruši pred sema?
Mene je srčeko več z mokrom krpom smokal a bormeš i sebe.
– pak to je srom špot! Bom mu vuha vu mašlin svezal! (Zajofče srčeko)
– am dejte nejte! (Jovi se japica) Pak je to vutim letima čist normalno. Tak sam i jo…
– kaj si i ti? Em ti niti neznaš kaj je ereksija! (Ljupi ga mojčika z krpom)
Več smo srčeko i jo bili na pol poti do onoga sveta da se pucka oglosila
– joooj ljudi, pak mojčika oče reči da klipan ima ANOREKSIJO! To sam ji jo prekfčera rekla jer se muljec zatelebal i nikaj neče jesti i kaj mo gojt doš mom mo se želodec zdiže.
– no, evo vidite! Sam me pucka razme. Ipak je ona vudrenkind a ne kak vi tutleki jani!
I tak, ak smo preživeli ovu ereksijo i vudrenkinde onda bomo valjda i se drugo. Sam kaj se na več nikomu ništ zdigalo. No, bor jan čos.
Suzana Martinuš
*********************************INTERMEZZO**********************************
