Kebelar
Čega se ima v ženski torbici znomo si. Sigurna sam da bi z nje zvlekla mešalicu za beton i rezervno traktorsku gumu. Ali….čega se ima v novčaniku!!!!!
Dobila sam novi novčanik pak reko kaj si premestim sitnice.
Prvo slike. Ima ih za jednu muzejsku izložbu
Vnuki, deca, mož, mama i tata, svekrva (neznam zakaj ima nacrtane roge), rodbina bliža i daljnja, prvi auto, pes, močki, ove pak niti ne poznam…
Onda kortice – bankomat kortica moja, možova, njegova na mene i moja na njega, devizna kaj ne vredi, ktc, konzum, dm, bipa, apotekorska, zdrastvena, dopunska, vozačka,osobna, donorska, evropska, hak (istekla 2012) i bok te pitaj kaj se ne.
Vu onom jednom predelu de se čuvaju penezi za bog nedaj, store črlenke i telefonski broji za jen dober imenik. Značke i slikice sveci (ništ neso pomogli), cigaretlin i pesja želencija.
E, ve… tam de stojidu drobni penezi našla sam gombe, drukere, forinte, šilinge, 3 mlečna zoba, 5 grahi i šaku šudra. Od papernatih penez imam račun z kafića od pred 10 let, pismo od banke da sam dožna 500 dinari, oporuku koju sam počela pisat dok sam prvi pot vozila auto, pet papernatih kuna …
Mislim da bom za mesec dni gotova z premeštanjem. Čujemo se!
*********************************INTERMEZZO**********************************
