Tečaj indijonskoga
Vreme je kaj poštar penzijo donese pak je japica od jutra visel na groji.
Mi smo bormeš i zobili na njega al da je došlo vreme obedu doproši on nuter
– ti sveca i semo kaj sam zmočeni!
– pak kaj je bilo? De ste tak dogo? (Pita ga srčeko)
– ti jo vjutro čokam poštara da ti de nekvi čokolodni dečec z torbom i pita on mene – mister đosik?
Jo ga bledo gledim i velim mo – kakvi đosik, što pak si ti!?
On ti se onak ljupi po prsej i veli – Mugaš, Indija
– vidim jo (velim jo njemu) da se ti mugaš jer čokam več tri dni to penzijo. Sam sam ne znal da ve i indijonce pošiljajo.
Pok ti mugač pokože z prstom na našo hižo i pita – seks?
– o da ti sveca šmrkljivoga! Pak kaj ti jo noto ličim? Skorom sam napujdal cucka na njega ali je vrožji pes zletel za sosedovom kusom.
Ali mje onda bilo žal dečeca pak sam se zmislil da mister đozik sigorno znači Mica Jožekova, sam te indijonec to nezna. No, pak znote koja Mica! (Jo klimam da neznam. Srčeko gledi v zrok)
Am je ona poznota…no, pak da pomože ak je tre…no, pak ne moram se crtati! Tak sam vam jo njega tam otpeljal. Onda sam još moral Mici se pomalim dopovedati jer ona nezna indijonski.
Dok je nam to japica povedal, najenpot se skmičilo, garanteram da je i strela fčehnola i z toga jognja se pojovila mojčika i vdropila nas se po spisko z kuhinjskom krpom.
Normalno, mi smo pobegli a japica je išče ve na spovedi pre mojči. Zgledi da mo na pomoglo niti kaj se pravil englez ili indijonec.
Inače, kaj vam povem, poštar se zove Mughas, iskal je mistera japicu na broju 6 kaj mo do penzijo.
Ve pak nas idem se vpisati na tečaj indijonskoga. Nigdor ne znati al nam bo pok tre. Za saki slučaj!
*********************************INTERMEZZO**********************************
