Bakalar z rinčicami
Denes smo japico poslali vu dečji vrtić po malo vnukico (njegvo prevnuku)
– tak kaj naš bedastoče prepovedal – špotala ga je mojčika
– o Bog z tobom! Pak da sam jo ne bil kulturni? Ha?
I tak, potlji pol vure dedo oni dvo dimo a japica nabrušeni kaj ruski soldot
– nej me vrog zeme ak je to normalno! Zamislite kaj sam doživel! Dem jo vut vrtič i gledim sim pak tam kam tre iti, da ti nekva puckica, so naštoncana z željeom v noso, čobi, obrvami i što zno de još ne, de dome i pita
– ste mortik došli po nekoga?
Jo onak fino i kulturno velim po koga sam došel i kaj na misla da sam ne moderen išče rečem kak so denes tete vo vrtičo mlode i lepe. A ona se nakostrušila kaj papiga vu krletki i onda me sprošila kaj vroga. Rekla je da je ona ne nikva teta neg nekvi dr, mr, fr..kaj ti ga jo znom kaj i da je ona bakalor i da bi bil red da si to več janpot zapamtimo. Išče je malički rekla nej ide k dedijo.
Onda pak so se mej se svečice vužgale pak sam joj, onak kulturno rekel
– gospodična, ak ste vi bakalor to sam vam jo ne kriv ali onda niti jo vam nesam deda neg otec oca njezinoga oca! Tak, sam kaj bote znali.
Evo, išče hoda po hiži i gomba som ze sobom.
– bakalor, kaj misliš!? Nebreš biti niti poštena riba neg bakalor! Kaj gojt.
Suzana Martinuš
*********************************INTERMEZZO**********************************
