Kaj hrčeš, Tireks?
Se posod pišejo tam neki vučeni ljudi kak se naprimer rešiti špeha na črevi, kak se rešiti poži z vrta, kamenca z šekreta a nišče ne pove kak se rešiti onih šteri hrčejo.
Zoto bom vam ve je povedala i to z prve roke ili noge. Kak se zeme.
Evo ga. Na primer, zamislite si osobo A štera vas oče znoreti z hrkanjem. Ve imate, rečemo prvi korak za rešenje ove hude sitoacije
– prvo čist onak pooomalem potrepčite osobo A po hrpto i z puno ljubavi ji šapnite “srčeko, brni se na stron”.
Vi ne morate reči srčeko. Morete i mišek, picek, mucica…sam nej bo onak kaj na tv serijama.
Onda, ak to ne pomore, dok skošete čudej pene, prejdemo na drugi korak.
– zvinite roko vu lakto i onda z onom špicom vdropite osobo A med rebra i slobodno mo spomenete usput bližnjo i daljšo rodbino. Nikak ga nejte zvati srčeko, mišek, picek jer je vreme kaj vekšo zverino zvlečete na sonce. Na primer – brni se najampot na stron! Hrčeš kaj slon!
Ak niti to ne pomore nega vam druge. Vreme je za akrobatski treči korak.
Vuprite se z nogami v zodnjico osobe A i z se snoge ga pošiknite z postelje. Isto mo morete usput nabrojiti so rodbinu, se svece i one z druge strone (kaj ve namo rekli štere). Slone ve morete zobiti i najbolje je kaj spomenete dinosaora. Ne janoga! Bor deset!
Ak se osoba A niti ve neda spuntati onda vam več nikak nebrem pomoči jer bi za to nekaj drugo mogli i v rešt iti.
Zoto, sejte se lepo v kuhnjo, poječte čokolodo, napolitanke, prezvošta, pekmeza od šljivi, mortik vdropite i jan nultri. A mortik i tripot nultri.
I onda nej nešče reče kak vam se kile lepijo na črevo. Ste mortik vi kaj krivi? Neste! Se je krivo hrkanje!
Tak. Živeli! Očem reči, lefko noč!
Idem glet ali moj Tireks još huška. Kaj boš ve ž njim. Mišek moj mali.
Suzana Martinuš
*********************************INTERMEZZO**********************************
