Kaj je to ljubav

Kak bo za čas Valentinovo, bom vam prepisala zadačo od mojega dečeca od pred nekaj let.

” Kaj je to ljubav?

Jo sam išče premlodi kaj to znal pak sam pital japico. Ipak je on najdože na ovomo sveto.
– sinek, to tje ovak.. ak ona (gledi mojčo) ima rit kaj plivadon ili kaj vekši lagev, ali jo jo sejeno imam rad, onda bi to bila ljubaf.
Mojča ga vdropi z kuhinjskom krpom i veli mi
– dečec drogi, stori jopec bedastoče govori i to več preveč let. Leta ga je al pameti ne. A kaj jo delam? Išče sam navek z njim. Viš, to tje prafzapraf ljubaf.
Onda mi tata namigne i veli
– mali, prova ljubav tje dok po najvekši zimi ideš v ribolov, makar znoš da ti se bojo i šmrklji zmrzli.
Mama ga pogledala tak kaj smo se si zmrzli
– no, šolim se! Ljubaf ti je dok se potlji te ribičije vrneš mom dimo a neš z pajdoši vu krčmo. Kaje! Kaj sam pok nopak povedal???
Onda je mama zela reč.
– dete drogo, ljubaf je ne nikaj drugo nego dok to se skupaj posljušaš i ne zemeš mlinjčanjeka i poravnaš mo hrpta.
Tak, jo sam zeznal da ne moč reči kaj je to ljubav. Za ve mislim da je to isto kaj dok jo jem sladoleda poskrivečki a nedajo mi. Tak je fino makar je zdeno a najbolje je kaj nišče nezna. A mortik ima japica i prav. Ljubav je pravzaprav sejeno.
Sejeno koga i kaj imaš rad, sam važno kaj je ima.

P.s. drugi pot dejte nekaj ležešega za zadačo. Od ove ljubavi mi se čist meša vu glovi. ”
❤❤❤❤❤❤

Suzana Martinuš

*********************************INTERMEZZO**********************************