Kam pete za Novo leto?
Mi smo navek domaj čokali Novo leto. Loni pak je srčeko rekel
– ve pak je dosti! Naš ti navek vešlonca sarme sprovljala, napekovala koloče i mesa i onda nadvorjala i čistila. Nabo išlo! Idemo lepo v inostranstvo na doček!
I tak je on mene tpeljal nekam vrogo v brege, i to takve kaj tam i kokoši morajo meti brenzo v riti. Dok smo došli do hotela sam od stroha scurela pol kile. Som Bog kaj sam zela z nami jan menši lonec sarme, tak, deset literni i išče nekvo drobižđe jer smo prvi den bili bez beda. Nam ništ rekla, soba je bila baš onak evropska ali te njiv doček je friška figa! Pak de je što videl kaj na storo leto nega pečenoga odojka, race, domočega vina, špeka, kobosi, sarme….
I si so se držali kaj da so jim jembrele v rit ftekjene.
– je, picika, to so ti noblesi a ne tam nekvi seljoki!
Kaj vrogo noblesi!!! Dok sam jo na stol zmetala naših deset litri sarme (minos štiri kaj smo den prejdi pojeli), demižonko domočega vinčeka, flašo žganice, pol pečene race i krpo špeka, zdigance z rehi i makom… da ste sam vidli kakva je to fešta bila.
I tak kaj bote znali, ovo leto bomo domaj i komaj čokam kaj dedo sosedi i rodbina kaj pok skuham vešlonca sarme.
Nej se ovi noblesi pišejo vrit!
Suzana Martinuš
*********************************INTERMEZZO**********************************
*************************************************************
Svaka donirana kuna pomaže izdavanju novog dječjeg zbornika ili slikovnice koje su djeca sama napisala!
[give_form id=”6365″ show_title=”true” show_goal=”false” show_content=”none” display_style=”reveal” continue_button_title=”Donirajte za novu slikovnicu s dječjim radovima”]
