Mene je zmočil i ve mo se fučka!
Ovo noč me je srčeko tak zmočil da strašno! Aj je…ne tak kak vi mislite. Bog z vami! Vam povem kaj je bilo.
Srčeko ima sestrično vu Švicarski pak nas je žena pozvola kaj demo na tjeden dni k njim. Tak smo se mi lepo sprajili, se zrivali fčera v avto i ništ, idemo spot kaj zaron meknemo pete.
Ležimo mi, srčeko več pomali hrglji da se jo najenpot stonem.
– kaj je? (Pita on) kam se vrogo stojaš?
– sam kaj poglednem ali smo dostik štomfi i goč zeli. Pak je ne Švicarska za voglom a i tam v bregima so bormeš tre doge gače.
– pak kaj ti je! Itak je se več spakerano i kaj naš kaj zmrdala v gepeoko! Hoj spot!
Ležim jo i čujem ga, pok hrče. Onak pomali, z puno ljubavi ga vboksnem v rebro i pitam
– čuj, a si del onu vreču kalampera i graha kaj je mojčika preprojila?
– joj viš, dobro kaj si rekla. Švicorci nemaju kalampera i graha. Tam sam penezi i vure rostejo. Da ti sto vreč kalamperi na glovo tresnolo! Kaj daj svet prepal ak to pozobimo! Naš ftihnola!
– je, tej je sejeno! A kaj ak me tam medvedi ili voki natepejo! Em so tam bregi veljki kaj hiže!
– Bog z tobom! Pak bi si valjda medved prije mene zebral neg tebe!
– očeš reči da jo ne vredim nit kaj me medved natepe?
– a kaj bi! Ti si ron za janoga medveda. I to ovoga šteri se s tobom spomina! Čkomi več janpot!
Ftihnem jo ali mi vrog neda mira. Se premečem po glovi. Smo zeli ovo, smo ne zobilo ono…a ov moj pok hrče
– sam se ve zmislila…počnem jo a srčeko skoči z postelje kaj jelen
– kam ve ideš??
– idem vrogo v rit! Ve se niti jo ne zmislim ali sam demižonko del v avto. Da ti sveca i tej i medvedo i vokima.
Tak, ve je štiri vure vjutro, jo išče ne spim a počosi bo tre na pot. A glečte njega! Crka kaj gljuha svinja! Mene je zmočil i ve mo se fučka!
Ništ, bom ga zbodila sam kaj ga nekaj pitam.
*********************************INTERMEZZO**********************************
