Mikloševo

Znoš ti, veli mi denes japica, kak je to negda bilo. Mi smo kak deca za Mikloševo dobili f čižmo jaboko ili boto. Največpot boto jer smo kak so rekli ne bili vugodni.

Šteri so bili boljestoječi te bi deci f čižmo deli i šteroga cukora.

Za Božić so nas mama i japa pogladili po glovi i doli nam klecimprota a oni bogateši so dobili i jan reženj čokolode. Onda bi nas na Herodeševo, zaron, šibom navoščili po riti i nogoj, valjda kaj nam z glove zbijejo bedastoče i kaj nej mislili da bomo i za Novo leto kaj dobili.

A denes??? Denes deca za Nikolinje dobiju igročke, čokolode, bombone, opravinje, sega vroga. Onda za Božić ak im ne deneš pod bor telefone, one vrožje tablete, deset kil čokolode, becikline, bone za skijanje v Švicarski i druge bedastoče, još te bojo tožili za zanemarivanje.

Za Novo leto im onda valjda tre kupiti avte ili stone ili mortik raketo za na Mesec… Denes bi za Herodeševo trebali zeti veljko boto, kaj boto..količa! I somi sebe navoščiti kaj vroge kaj smo deco tak nafčili.

Ima japica praf! Zutra je Herodeševo, nejte šibom navoščiti niti sebe niti deco. Igrajte se z njimi, čuvajte ih i pazite. Pak makar meli leto dni ili trdesti let. Se jano ih imamo radi. Fuj šiba!

Suzana Martinuš

*********************************INTERMEZZO**********************************