Negda, dok smo išli na morje z avtobusom
Sam vam nekaj ne povedala.
Zdovnja, dok smo još ne meli svojega avta, smo srčeko, pucka i jo išli na morje z avtobusom. Srčeko se z puckom sel nopri a jo z cekerimi za njimi. Levo od njih so sedeli nekva gospa i njezin gospon.
Sam kaj je avtobus genul, pucka začvrči
– sam glodna. Očem kaj papati. (Je mela koli tri lete)
Srčeko je mom enterveneral primeni kaj dom kiflina. Gospođa levo je počela nabirati obrve.
Počoso, pok pucka začvrči
– sam glodna. Očem kaj papati.
Spuknem jo kraflina i mala ga te čos pogotne.
Gospođa levo je išče bolje nabirala obrve, načobila čobe i cmafkala (kakti, bože…bože…).
Nesmo prešli niti Varaždinbrega a pucka pok začvrči
– sam glodna…
Noto ona gospođa počne mrgotati
– srom špot kaj to deca denes jedo. I kak najo debela kaj buhtlini. Bi ji ponudili jaboko ili mrkvo a ne somoga cukora.
Ljudi vo avtobusu so počeli klimati z glovaj kaj oni plastični kujseki štere so ljudi meli vo avtima i grdo gledati vunas.
Srčeko se skmičilo pred očima, obrne se i kaj žandor odmeri se po redu
– droga gospa, neznam jo od štere ste trove vi tak lepo lapošnota ali od jaboki sigorno neste. I sam kaj bote znali, pucki je slabo vo vožnji pak ji lalovke stolno moraju delati ili morti očete kaj pofrojha i vas i se koli?
Ljudi so pok počeli klimati kaj kujseki i grdo gledati gospođu z leva. Njezin gospon ji je rekel da je hurma i si smo se z tem složili.
Potlji, čim bi pucka začvrčala da je glodna celi avtobos se zdigal kaj Sveta tri krolja. Tak smo mi do morja došli bogateši za dvo pora kobasici, škatulju napolitanki, kilo kruha, dvo sendviča z parizerom i jejcima, liter vina (neznam zakaj) a gospođa z leva je dola kilo jaboki i dve banane. Mrkvo smo rekli nej si stovi jer kaj na sirota ohudela.
Šteta kaj več ne hodamo nikam z avtobusom. Baš šteta!
Suzana Martinuš
*********************************INTERMEZZO**********************************
