Se sam ti povedala
Droga moja, ovo ti mom moram povedati (zapuhala se soseda Štefa pred mojčikom), ali mi prvo dej natoči jeno rakijo,tak nul tri puta dvo, kaj dem ksej. A moreš i sebi natočiti isto janoga, na ti žal.
– pak kaj se, za pet ron kristošov, pripetilo? (Pita mojčika)
– bom ti povedala ali ne kaj slučajno komu rekla.
– si bnorela!? Jo kaj komu kaj rekla? Nigdor pak niti onda! (Mojčika je partizanski zaprisegla)
– to ti je, droga moja, mej povedala Maga Svecova. A njo znoš. Tje njoj ne preveč za verovati ali veli da je to čula od Ifke Miškijove a ak što kaj zno onda Ifka zno.
– je, je! Tak je! No, dej to spi pak kaj ti još jedno natočim. Mi se vidi da nam bo tre.
– praf veliš. I tak ti je Ifka povedala se po pravici kaj je Vočonovska Mica na svoje joči vidla i na svoja vuha čula. Inače ti jo nikomu ništ nebi veruvala. Al ak je tak onda je tak.
– isosek i Marija! Što bi rekel! Ve si i mene tak znerverala kaj i jo moram još jedno nul tri puta dvo vdropiti. Pak so to ne istine!
Tak so njih dve zdihovale i cmafkale i tožno mohale z glovom dok je ne pucka najenpot pitala
– nooo iii?
– kaj i? (Pogledajo jo zbelni bedve)
– pak kaj ste to šteli povedati?
– božje dete ali si bedasta! Jo kaj sam štela povedati sam povedala, što je razmel je razmel a to kaj ti ne razmeš što tje kriv.
– imaš prav Štefa! Da je ne naša točno bi me srom bilo.
P.s.
Po istini, nesam niti jo nikaj razmela ali potlji dvo pot po nul tri puta dvo je niti ne važno što je kaj rekel. Živeli!
Suzana Martinuš
*********************************INTERMEZZO**********************************
