Skipi i gole puce
Sam kaj sam si sela z kovom za pisi kaj bi se čula z Đukom, doproši mojčika.
Nataperana, napudrana, nakinčena đunđama, naličenih čobi, bormeš si je i potlji deset let i nofte namolala.
– hoj fkrej! (Frkne na mene kaj kača)
Za pol vure se bom čula z sestrom Magom z Ljobljane na te vaš skipi. Donesi one zdigance od fčera kaj bo vidla kakve koloče imamo. I deni nastol nekvo cvetje.
– pak de bom ve cvetje našla?
– kaj me brige! Deni one cice muce.
Najanpot japica skoči z kaoča
– kaj??? Gole puce??
– hoj spot! Cice muce (zaviče mojča) Bolje kaj rit zdigel i spominal se z Magom
– mort sam nori kaj posljušal vaše hormastoče. Reči ji da sam gljuhi i da se nebrem spominati.
I za čas, skipi počne titkati i jovi se teca Maga.( Ona je inače bila operna pevoljka i moramo jo zvati Megi jer je ona gospa a ne seljača.)
– ooo Maga, kak si kaj?
– Megi, Jula, Megi! Zapamti si več janpot!
– znoš kaj, jo sam tej šmrklje brisala i za mene si Maga. Rojši reči kak si.
– jo sam ti kaj puca! Zoto kaj držim do sebe. Vidim da ti namečeš vuse te zdigance a kile??? Kaj jih nemaš dost!? Viš da so pred menom jaboke i to zelene!
– ti boš mej za kile govorila šmrkljivka šmrkljiva (teca inače ima 77 let 🤣)! Pogleč svoje salo! Praf je moj mel kaj se neče z tobom spominati. Vrog dol i tebe i zelene jaboke! I frizuro i šminko i črlenoga pudra.
Mali! (zakreči dečeco) Hoj mom zgasi toga skipija!
A ti pak (jo) hiti k vrogo te cice muce!
Japica pok kaj z topa
– kaj, kaj!! De?? De so gole puce??
-ciiiceee muuucee!
Zavičemo si v glos a japica nas pogleda
– kaj vičete! Em sam ne gljuhi! Vrog vam skeljil te cice muce i gole puce!
Suzana Martinuš
*********************************INTERMEZZO**********************************
*************************************************************
Svaka donirana kuna pomaže izdavanju novog dječjeg zbornika ili slikovnice koje su djeca sama napisala!
[give_form id=”6365″ show_title=”true” show_goal=”false” show_content=”none” display_style=”reveal” continue_button_title=”Donirajte za novu slikovnicu s dječjim radovima”]
