Voganje

Denes je bilo na redo voganje kaj se bo vidlo što bo a što ne dobil zojtreka.
Mali je rekel da se on ne zdebljal neg da je zrosel za dve kile. Pucka se mom razbečala i dišla tirat biciklina šteri nikam nejde. Mojčika ji je rekla da je to zoto kaj se tak čudej vuči pak ji je glova žmefka. Onda se išče bolje rastulila jer zgledi da ima debelo glovo.
Dok je srčeko stal na vogo mo je japica rekel
– mi se vidi da boš ti ostal i bez beda i večerje a ne sam bez zojtreka. Znoš kak velijo? Do sto kil si išče čovek a prek sto si prasec.

Srčeko se pravdal da je to zoto kaj je ne tri dni bil na zahodo i da dok zbovi posla bo sigorno tri kile lefkeši.
Onda je japica došel na red.
– no viš, veli on, kuljko let, tuljko kil!
– je, je, (ne mo ostal dožen srčeko) kaj si si pedeveja doli zel?
– piši se ti vrit z pedevejom. Viš kaj robače na sebi imam? Daj to se slekel sikak bi dvajsti kil doli zeli.
Mojčiko smo komaj natirali na vogo i onda je rekla ak komo beknemo kuljko je žmefka da nam bo jezika vu mašlin zvezala. I tak onda, nesmem povedati jer vrog nigdor ne spi.
A jo? Je, jo imam točno tuljko kuljko moram meti. Ak što misli drugač na dobil beda!
Inače, denes so prinas zojtrekovali samo močki i kujsek. Mi smo drugi na popravnom ispito.

Suzana Martinuš

*********************************INTERMEZZO**********************************

*************************************************************
Svaka donirana kuna pomaže izdavanju novog dječjeg zbornika ili slikovnice koje su djeca sama napisala!
[give_form id=”6365″ show_title=”true” show_goal=”false” show_content=”none” display_style=”reveal” continue_button_title=”Donirajte za novu slikovnicu s dječjim radovima”]