Vurmuher
Ovo vam moram povedati.
Bila je denes strina Maga prinas na kovi pak so se starčeki spominali.
Veli japica:
-Jo sam ti Maga starovičen. Viš išče i ve imam ovo obično canjger vuru a ne te neke digitronske😏. Sam kaj ti mje ve jan canjger otpal pak neznam točno kuljko je vur a nigdi vurmuhari tu prinas v seli.
– Kaj da ti inače tre vura (veli mojčika). Itak te sam zanima da bo zojtrek, obed ili večerja a za to ti je tre sam nos a ne vura.
– Joj, viš (ljupi se strina po čelenki) am ti je moj vnuk vurmuhar. Znoš Mimija, onoga šteri je dogo ništ ne delal. Idem jo njega mom zvot.
(Zove ona i jovi se “mali”)
-Bok Mimek! Jo sam. Kaj što? JO! Nej hormastoče delati. Nego, znoš, stric Iva bi trebal vurmuhara pak sam mislila… Kak to misliš kaj ti s tem imaš? Pak si ne zodnji pot rekel dok sam te pitala ali kaj delaš, da si Tik toker?
No viš, jesi. Pak onda bi lepo zel vuru od strica ili kak vi ve to zovete tik toka i poprajil mo…halo! Halo! MIMI! Vrog te skeljil i dete, mje poklopil slušalico. Mort mo je što došel z vurom kaj jo poljukne pak se nebre spominati. Bom potlji zvola.
🤣🤣🤣🤣
Smo probali dopovedati kaj znači tiktoker ali…valjda ona bolje zno kak mi. Tak, ak trebate vurmuhara, hojte sam k Mimijo. 🤣
Suzana Martinuš
*********************************INTERMEZZO**********************************
